Superjob дааннайдарынан, кэнники икки сылга Арассыыйа хас төрдүс олохтооҕо идэтин уларыппыт, онуоха ситиһии сүрүн көрдөрүүтэ дохуот буолбакка, сайдар кыах буолбут. Ол туоһута Уус Алдан улууһун Уһун Күөлүттэн устуоруйа учуутала Иван Иванович Бурцев буолар. Кини биһиги Көхтөөх уһун үйэлэниибит киинигэр 118-с сезоҥҥа астына-дуоһуйа сынньанна. Ордук оһуохай тылын этэрин уонна кырылас куолаһынан астыктык ыллыырын дьон олус биһирээтэ. Кини 67 сааһыгар университекка туттарсан киирбитэ уонна дьупулуомун ылан, биир дойдулаахтарын сөхтөрбүтэ.
Иван Иванович сотору кэминэн 84 сааһын туолуоҕа. Кини үүнэр көлүөнэни иитиигэ лопу курдук 40 сыл эҥкилэ суох үлэлээтэ: бастаан кырачааннары ааҕарга уонна суруйарга үөрэппитэ, онтон, иккис үөрэҕин баһылаан баран, төрүт култуураны үөрэтэр буолбута. Кини үтүөтүн-өҥөтүн араас наҕараадата туоһулуур – СӨ үөрэҕириитин, култууратын туйгуннара уонна да атын араас ааттаах-суоллаах. Ол эрээри кини саамай киэн туттара – 2007 сыллаахха ылбыт дьупулуома.
Иван Иванович 67 сааһыгар “бүтэһик богуоҥҥа ыстанан”, Саха судаарыстыбаннай университетын саха филологиятын уонна култууратын факультетыгар туттарсан киирбит. “Арааһа, университет устуоруйатыгар мин курдук саастаах устудьуон киирэн, дьупулуомун ылбыта тарбахха баттанар буолуохтаах”, -- диэн сэмэйдик мичээрдиир.
Уйбаан Уйбаанабыс холобурун батыһан, үс биир дойдулааҕа үрдүк үөрэҕи баһылыырга быһаарыммыт – ким Санкт-Петербурга, ким Дьокуускайга туттарсан үөрэхтэммит.
“Мин суох буолан хаалар түгэммэр, бу устуоруйаны элбэх киһи өйдүөҕэ”, -- диир Уйбаан Уйбаанабыс. Кини холобуруттан үөрэнэр хаһан да хойут буолбатын, оттон биир киһи сахпыт кыымыттан бүтүн нэһилиэк олоҕо уларыйыа диэн итэҕэйэҕин.
“Бачча сааскар тиийэн баран, тоҕо устудьуоннуурга санаммыккыный?” диэн ыйытыыга Иван Иванович кылгастык уонна чиэһинэйдик хардарар – “үөрэнэргэ наһаа улахан баҕалааҕым” диэн сулургутук быһаарар.
“Быйыл хайдах кыстыырбыт буолла...”
Иван Иванович биһиги суруналыыспытын кытары бэйэтин олоҕун туһунан атах тэпсэн олорон ирэ-хоро кэпсэттэ: үйэлээх сааһын тухары мэлдьи сырдыкка, үтүөҕэ эрэ тардыһарын, кэнчээри ыччаты иитиигэ сүҥкэн үлэни ыыппытын.
Кини аармыйаҕа сулууспалыы сылдьан илиитин эчэтэн инбэлииккэ тахсыбыт. Ол да буоллар, кини уус илиитинэн оҥорбут сэргэлэрэ улуус араас нэһилиэктэригэр тураллар.
Уйбаан Уйбаанабыстыын үгүһү элбэҕи кэпсэтэ олорон, билигин кинини ордук туох долгутарын ыйыттым.
“Мин хаста да дьаһалтаҕа, нэһилиэк баһылыгар дьиэбитин киин ититиигэ холботуҥ диэн көрдөһө сатаан кэбистим да – кыһаллыбатылар. Саас ыраатта, оһоҕу оттор ыарахаттардаах буолла. Мин 83 сааспар, оттон кэргэним 79-гар сылдьабыт. Дьэ, быйыл кыһын хайдах кыстыырбыт эбитэ буолла диэн мунаахсыйабын. Саатар Бороҕоҥҥо социальнай куортамы дуу, кыбартыыраны ду биэрэллэрэ буоллар... Таптаан ааҕар “Кыым” норуот хаһыатым нөҥүө бу боппуруоһу быһааралларыгар көрдөһүүлээхпин...”, -- диир кини.
Иван Иванович сотору кэминэн 84 сааһын туолуоҕа. Кини үүнэр көлүөнэни иитиигэ лопу курдук 40 сыл эҥкилэ суох үлэлээтэ: бастаан кырачааннары ааҕарга уонна суруйарга үөрэппитэ, онтон, иккис үөрэҕин баһылаан баран, төрүт култуураны үөрэтэр буолбута. Кини үтүөтүн-өҥөтүн араас наҕараадата туоһулуур – СӨ үөрэҕириитин, култууратын туйгуннара уонна да атын араас ааттаах-суоллаах. Ол эрээри кини саамай киэн туттара – 2007 сыллаахха ылбыт дьупулуома.
Иван Иванович 67 сааһыгар “бүтэһик богуоҥҥа ыстанан”, Саха судаарыстыбаннай университетын саха филологиятын уонна култууратын факультетыгар туттарсан киирбит. “Арааһа, университет устуоруйатыгар мин курдук саастаах устудьуон киирэн, дьупулуомун ылбыта тарбахха баттанар буолуохтаах”, -- диэн сэмэйдик мичээрдиир.
Уйбаан Уйбаанабыс холобурун батыһан, үс биир дойдулааҕа үрдүк үөрэҕи баһылыырга быһаарыммыт – ким Санкт-Петербурга, ким Дьокуускайга туттарсан үөрэхтэммит.
“Мин суох буолан хаалар түгэммэр, бу устуоруйаны элбэх киһи өйдүөҕэ”, -- диир Уйбаан Уйбаанабыс. Кини холобуруттан үөрэнэр хаһан да хойут буолбатын, оттон биир киһи сахпыт кыымыттан бүтүн нэһилиэк олоҕо уларыйыа диэн итэҕэйэҕин.
“Бачча сааскар тиийэн баран, тоҕо устудьуоннуурга санаммыккыный?” диэн ыйытыыга Иван Иванович кылгастык уонна чиэһинэйдик хардарар – “үөрэнэргэ наһаа улахан баҕалааҕым” диэн сулургутук быһаарар.
“Быйыл хайдах кыстыырбыт буолла...”
Иван Иванович биһиги суруналыыспытын кытары бэйэтин олоҕун туһунан атах тэпсэн олорон ирэ-хоро кэпсэттэ: үйэлээх сааһын тухары мэлдьи сырдыкка, үтүөҕэ эрэ тардыһарын, кэнчээри ыччаты иитиигэ сүҥкэн үлэни ыыппытын.
Кини аармыйаҕа сулууспалыы сылдьан илиитин эчэтэн инбэлииккэ тахсыбыт. Ол да буоллар, кини уус илиитинэн оҥорбут сэргэлэрэ улуус араас нэһилиэктэригэр тураллар.
Уйбаан Уйбаанабыстыын үгүһү элбэҕи кэпсэтэ олорон, билигин кинини ордук туох долгутарын ыйыттым.
“Мин хаста да дьаһалтаҕа, нэһилиэк баһылыгар дьиэбитин киин ититиигэ холботуҥ диэн көрдөһө сатаан кэбистим да – кыһаллыбатылар. Саас ыраатта, оһоҕу оттор ыарахаттардаах буолла. Мин 83 сааспар, оттон кэргэним 79-гар сылдьабыт. Дьэ, быйыл кыһын хайдах кыстыырбыт эбитэ буолла диэн мунаахсыйабын. Саатар Бороҕоҥҥо социальнай куортамы дуу, кыбартыыраны ду биэрэллэрэ буоллар... Таптаан ааҕар “Кыым” норуот хаһыатым нөҥүө бу боппуруоһу быһааралларыгар көрдөһүүлээхпин...”, -- диир кини.