“Саастаах дьону чэбдигирдиигэ сөҕүмэр үлэни ыытар эбит”

Хаҥалас улууһун Булгунньахтааҕар бэс чагда быыһыгар турар “Аврора” килииньикэ “Көхтөөх уһун үйэлэнии киинигэр” олох биир кэм оргуйан олорор!

Анна Афанасьевна Свешникова, 73 саастаах, Уус Алдан улууһа: - Мин Дьокуускайтан кэлбитим. Бу филиалга “Аврора” мэдиссиинэ килииньикэтэ биһиги курдук саастаах дьону чэбдигирдиигэ сөҕүмэр үлэни ыытар эбит. Куораттан манна кэлиэхпит иннинэ биһигини невролог, терапевт быраастар сыныйан көрбүттэрэ, анаалыс ылбыттара уонна хас биирдиибитигэр эмтэнии анаабыттара. Онтон босхо таксыынан бэрт сыыдамнык уонна сынньалаҥнык Булгуньахтаахха диэри тиэрдэн биэрбиттэрэ. Филиал базата наһаа үчүгэй эбит: дьиэҕэ курдук сылаас, ураты салгыннаах, ичигэс, мөньүүлэрэ араас. Сынньалаҥы кыайа-хото тэрийэллэр эбит. Онон администратордары наһаа хайҕаатым.

Валерий Герасимович Иванов, 77 саастаах: - Мин Булгунньахтааҕы балай да элбэхтэ быһа көтөн ааспыт сирим. Онтон бу олорон саныыбын ээ, ама, хайаан бу кэрэ айылҕа харахпытыттан саһа сылдьыбытын! Бу филиалга кэлэн сынньанарбыттан олус астынным. Киһи сааһыран баран үөлээннээхтэрин кытары алтыһары, истиҥник ирэ-хоро кэпсэтэри ордук сыаналыыр буолар эбит. Дьэ, маннык сынньалаҥ, доруобуйабытыгар көдьүүстээхтик дьайбытыгар саарбахтаабаппын. Биһиги үс оҕону атаҕар туруордубут, бары оннуларын булан быр бааччы этэҥҥэ олороллор. Сиэннэрбит да улааттылар. Дьиэ кэргэммитигэр култуура үс үтүөлээх үлэһитэ баар, икки -- аан дойду кылаастаах успуорт маастара. Бары бииргэ муһуннахпытына, хайаан да кинилэргэ бу “Көхтөөх уһун үйэлэнии” киинин туһунан кэпсиэм. Син балай да элбэх сиргэ сылдьан сынньаммытым, ол эрээри бу Булгунньахтаахха курдук иһийэн, астына сынньаммытым ахсааннаах. Манна, чахчы, киһи ис иһиттэн сынньанар, үтүө дойду эбит.

Венера Петровна Марфусалова, 72 саастаах: - Үйэм тухары үөрэхтээһин эйгэтигэр үлэлээбитим. Биэнсийэҕэ педагогика институтуттан барбытым. Манна дьүөгэбин кытары кэлбиппит. Кэрэ-бэлиэ миэстэлэринэн экскурсиялары ордук өйбүтүгэр хатаан хааллыбыт. Бу кииҥҥэ сынньанарга сыаналара чэпчэкитин сөхтүбүт. Араас интэриэһинэй дьону кытары билистибит. Онон Саха сирин олохтоохторун “Аврора” мэдиссиинэ килииньикэтин Булгунньахтаахха баар “Утум” киинигэр кэлэн сынньанаргытыгар ыҥырабын. Олох кэмсиниэххит суоҕа!

Бу нүөмэрдэргэ эрийэн сиһилии Киини билсиҥ. Дьокуускайга үлэлиир филиал: 8914-271-00-88; Булгунньахтаах филиала: 8914-822-38-74, Нерюнгрига: 89963154189