Ньукуолун күн Көхтөөх уһун үйэлэнии киинигэр “Кыым” норуот хаһыатын өйөбүлүнэн күөххэ этэҥҥэ үктэммиппитин, күүтүүлээх сайыммыт кэлбитин үөрэн-көтөн туран бэлиэтээтибит. Манна Киин сынньанааччылара эрэ буолбакка, хаһыат ааҕааччылара эмиэ кэлэн үөрүүгэ кыттыстылар.
Мустубут дьоҥҥо эҕэрдэтин “Аврора” мэдиссиинэ килииньикэтин дириэктэрэ Николай Христофоров тиэртэ. Кини аҕам саастаахтарбытыгар олоххо тардыһыылара күүстээх буолан, үөрэ-көтө сылдьалларыгар махтанна уонна өссө да уһуннук, чэгиэн сылдьалларыгар баҕарда.
Сахалыы үгэһинэн Айыылартан көрдөһөн Пётр Чахов-Бойуот алгыс түһэрдэ. Ол кэннэ арыылаах алаадьынан, сааскы хоргуннаах кус миининэн, саламаатынан, быырпаҕынан күндүлээтилэр. Минньигэс эбиэт кэннэ көр-нар күөдьүйдэ:
РФ уонна СӨ үтүөлээх артыыһа Анна Дьячковская, СӨ норуодунай артыыһа Григорий Петров, Эстрада тыйаатырын артыыһа, СӨ култууратын туйгуна Михаил Рожин-Оталан, СӨ култууратын үтүөлээх үлэһитэ Раиса Крылова үөрэнээччитэ, муусука колледжын 4-с кууруһун устудьуона Сергей Скрыбыкинныын байааҥҥа доҕуһуоллаан, Көхтөөх үйэлэнии киинин уус-уран салайааччыта Евгения Игнатьева мустубут дьоҥҥо кэрэ ырыаларын бэлэхтээтилэр, сайыҥҥы үтүөкэн настарыанньаны көтөхтүлэр.
Көхтөөх үйэлэнии киинин хореограба А.Посельская, флешмоб оҥорон, мустубут дьону үҥкүүлэттэ. Оһуокайы тыл билимин дуоктара, ХИФУ ХИНТуоКҮ Культурология хаапыдыратын сэбиэдиссэйэ Людмила Ефимова иилээтэ-саҕалаата.
Тэрээһин бэрт сэргэхтик ааста. Кырдьаҕастарбыт олус астыннылар, эдэрдэригэр түһэн, үҥкүүлээн көттүлэр уонна сайыҥҥы былааннарын оҥоһуннулар. Маннык истиҥ көрсүһүүлэр үөрүүнү эрэ буолбакка, аҕам саастаахтарбытын ытыктыыр үтүө майгыбытын күүһүрдэллэр.
Мустубут дьоҥҥо эҕэрдэтин “Аврора” мэдиссиинэ килииньикэтин дириэктэрэ Николай Христофоров тиэртэ. Кини аҕам саастаахтарбытыгар олоххо тардыһыылара күүстээх буолан, үөрэ-көтө сылдьалларыгар махтанна уонна өссө да уһуннук, чэгиэн сылдьалларыгар баҕарда.
Сахалыы үгэһинэн Айыылартан көрдөһөн Пётр Чахов-Бойуот алгыс түһэрдэ. Ол кэннэ арыылаах алаадьынан, сааскы хоргуннаах кус миининэн, саламаатынан, быырпаҕынан күндүлээтилэр. Минньигэс эбиэт кэннэ көр-нар күөдьүйдэ:
РФ уонна СӨ үтүөлээх артыыһа Анна Дьячковская, СӨ норуодунай артыыһа Григорий Петров, Эстрада тыйаатырын артыыһа, СӨ култууратын туйгуна Михаил Рожин-Оталан, СӨ култууратын үтүөлээх үлэһитэ Раиса Крылова үөрэнээччитэ, муусука колледжын 4-с кууруһун устудьуона Сергей Скрыбыкинныын байааҥҥа доҕуһуоллаан, Көхтөөх үйэлэнии киинин уус-уран салайааччыта Евгения Игнатьева мустубут дьоҥҥо кэрэ ырыаларын бэлэхтээтилэр, сайыҥҥы үтүөкэн настарыанньаны көтөхтүлэр.
Көхтөөх үйэлэнии киинин хореограба А.Посельская, флешмоб оҥорон, мустубут дьону үҥкүүлэттэ. Оһуокайы тыл билимин дуоктара, ХИФУ ХИНТуоКҮ Культурология хаапыдыратын сэбиэдиссэйэ Людмила Ефимова иилээтэ-саҕалаата.
Тэрээһин бэрт сэргэхтик ааста. Кырдьаҕастарбыт олус астыннылар, эдэрдэригэр түһэн, үҥкүүлээн көттүлэр уонна сайыҥҥы былааннарын оҥоһуннулар. Маннык истиҥ көрсүһүүлэр үөрүүнү эрэ буолбакка, аҕам саастаахтарбытын ытыктыыр үтүө майгыбытын күүһүрдэллэр.